Çifti Kylie Jenner dhe Travis Scott janë kthyer prej disa kohësh në kryefjalën e mediave, pas ndarjes së tyre të bujshme rreth një vit pas lindjes së vajzës.
Megjithëse s’janë bashkë, gjë të cilën e konfirmoi së fundmi Kim Kardashian, duket se ata ende i japin sinjale njëri-tjetrit për një rikthim.
Travis nuk i reziston dot fotove seksi të Kylie-t, duke i dhënë “like”, mirëpo edhe Kylie i ka dhënë disa shenja.
Ditën e djeshme, 22-vjeçarja u fotografua në Calabasas veshur me një kostum “Astroworld”, të albumit më të fundit të Travis Scott.
Mesa duket, ajo dëshiron që të gjithë ta dinë që e mbështet ish-in e saj, ndërsa ne mendojmë se çështja është më e thellë se kaq.
Me siguri ky duhet të jetë një sinjal i Kylie-t për Travis, të cilit dëshiron t’i bëjë të ditur se është ende aty për të dhe ku i dihet, mund të kemi një rikthim!
Mbetet vetëm të presim për të tjera zhvillime nga dyshja, të cilët megjithëse të ndarë, ruajnë marrëdhënie super të mira bashkë.
