Sipas ekspertit të çokollatës, Luke Owen Smith, ëmbëlsirat tuaja nuk duhet të mbahen asnjëherë në frigorifer, edhe kur moti është i ngrohtë.
Luke, i cili zotëron një dyqan “online” të quajtur Chocolate Bar, i tha Stuff në Zelandën e Re se temperatura e ulët e ngatërron shijen.
Në vend të kësaj, çokollata duhet të ruhet në një dollap të ftohtë dhe të errët, mundësisht në mes 10 dhe 20 gradë C – me 15 gradë C që është temperatura perfekte.
Luka thotë se duhet të futet në frigorifer vetëm nëse temperatura brenda shtëpisë arrin 28C.
Duke qenë se gjalpi i kakaos përthith shijet dhe aromat, ai rekomandon ruajtjen në një enë hermetike përpara ftohjes për të mbrojtur shijen.
Një arsye tjetër për t’i mbajtur ushqimet jashtë frigoriferit është diçka që quhet “lulëzimi i sheqerit”.
Kjo ndodh kur ftohet dhe më pas ekspozohet ndaj ajrit më të ngrohtë, duke shkaktuar kondensim në sipërfaqe që shpërndan një pjesë të sheqerit.
Kjo më pas do të rikristalizohet, duke lënë një shtresë sipërfaqësore me kokrra të bardha.
