Këngëtarja Filloreta Raçi, e njohur për publikun si Fifi, njihet për tipin e saj ekspresiv dhe moskokëçarjen për ta thënë deri në fund atë që mendon.
Në rrjete sociale ajo nuk ngurron të shprehë mendimin e saj lirshëm, lidhur me situata të ndryshme, qoftë edhe kur këto mendime mund t’i “prishin” pak punë. (E kemi fjalën për faktin që të tjerët mund të kenë hatërmbetje me Fifin)
Ajo i ka sulmuar gjithmonë njerëzit fallco e duket se kjo është ‘kategoria’ e atyre që s’duron dot pranë vetes.
Në postimin e fundit Fifi ka thumbuar sërish, teksa shkruan:
“Njerëzit për pak followersa dhe famë ç’ka nuk bokan…”
Në fakt, mendja na shkoi menjëherë tek ajo që bënë Noizy e Stresi, për të promovuar këngën e tyre të re “Medalioni”. Ata dhanë një shfaqje të shëmtuar për publikun, sikur ishin zënë sërish e nisën thumbat në rrjete sociale, vetëm që të merrnin më shumë vëmendje për projektin e ri.
Mbase edhe gabohemi, pasi deklarata e Fifit mund të mos ketë aspak lidhje me dy djemtë!
