Në Pedonalen e Tiranës po mbahet një ekspozitë shumë e veçantë dhe nuk duhet ta humbisni, sepse do të vazhdojë edhe për pak ditë. Fokusi i ekspozitës janë të rinjtë dhe ndërgjegjësimi i tyre mbi të drejtat.
Nëpërmjet fotove, që shprehin shpesh më shumë nga sa fjalët munden, nisma në fjalë ka si synim të rrisë ndërgjegjësimin mbi autonominë trupore, barazinë gjinore, mbi dhunën dhe diskriminimin me bazë gjinore. Veprat janë krijime nga artistë të rinj mbi autonominë e trupi dhe janë ekspozuar në 3 qytete të Shqipërisë, Korçë, Shkodër, dhe Tiranë si pjesë e nismës #trupiimedrejtaime.
në kuadrës të së njëjtës nismë, “Trupi im e drejta ime”, u realizuan dy ëorkshop-e për artistët e rinj në fushën e fotografisë dhe ilustrimit. Pas ilustrimit dhe pasi morën njohuri e u informuan, ata i dhanë jetë perceptimeve të tyre lidhur me diskriminimin gjinor dhe autonominë e trupit.
Janë realizuar në total 20 vepra, 10 nga zhanri i fotografisë dhe 10 nga zhanri i ilustrimit. Deri në datën 10 dhjetor ato do të jenë në pedonalen e Tiranës dhe do të keni mundësinë t’i shihni.
Nisma është realizuar nga UNFPA Albania në partneritet me UN Women Albania dhe mbështetje të qeverisë suedeze. Agjencia RedCloud ka bërë gjithë koordinimin.
