Një marrëveshje bashkëpunimi është nënshkruar midis kompanisë së transmetimit “Cinedigm” me “Elvis Presley Enterprises”. Nëpërmjet këtij bashkëpunimi synohet krijimi i një kanali kushtuar legjendës së rock ‘n roll.
Kanali do të nderojë artistin e “Love Me Tender”, i cili shiti më shumë se 1 miliard kopje në të gjithë botën dhe u nominua për 14 Grammy Awards. Po ashtu, nëpërmjet tij do të tregohen të gjithë filmat në lidhje me Presley, shfaqjet dhe muzikën e tij.
“Kanali i ri do t’ju ofrojë fansave mundësinë për të mësuar edhe më shumë aspekte të karakterit të artistit me filma ekskluzivë, homazhe dhe dokumentarë. “Elvis Presley do t’u japë gjithashtu fansave mundësinë për të parë video të rralla nga arkivat e tij në Graceland.“, u shpreh presidenti i “Elvis Presley Enterprises”.
Kujtojmë se kitara elektrike që Elvis Presley përdori në 1968-ën u shit më herët për 450 mijë paund në ankand. Mediat e huaja raportuan se Presley ra në dashuri me instrumentin, i cili i përkiste muzikantit të tij të sesionit Al Casey në atë kohë dhe e huazoi atë për një koncert televiziv.
Performanca e Elvisit me këtë instrument u transmetua në dhjetor 1968, duke shënuar rikthimin e yllit pas shtatë viteve ndaj edhe rëndësia është më e madhe sesa e një kitare të zakonshme.
