Është zyrtare! Sheshi Skënderbej do të ndizet nga performanca e këngëtares me origjinë shqiptare Eleni Foureira. Lajmin e ka konfirmuar vetë kryetari i Bashkisë Erion Veliaj, i cili në një postim në rrjetet sociale, tregon se në datën 25 korrik, do të mbërrij në kryeqytet këngëtarja e hitit “Fuego”.
“Pas @ritaora dhe @ermalmetamusic një tjetër shqiptare që po shkëlqen me muzikën e saj vjen në Tiranën tonë ?? Ajo është @foureira në datë 25 Korrik në Sheshi Skenderbej së bashku me shumë artistë të tjerë në një mbrëmje të paharrueshme” – shkruan Erion Veliaj.
Këngëtarja Eleni Foureira u bë shumë e dashur për publikun pas pjesëmarrjes në Eurosong ku përfaqësoi shtetin e Qipros. Falë votave të publikut dhe jurisë, Eleni Fourera u rendit në vendin e dytë në Eurosong 2018. Këngëtarja nga Fieri tregoi me krenari se vjen nga Shqipëria dhe nuk nguroi të formonte simbolin e shqiponjës me këngëtarët shqiptarë, Ermal Meta dhe Eugent Bushpepa.
