Këngëtarja Era Istrefi i është bashkuar listës së personazheve të njohur publikë që kanë kryer vaksinimin kundër Covid-19. Vetë ajo ndau ditën e djeshme në llogarinë e saj në Instagram një video ku tregonte procesin e vaksinimit, duke dashur të ndërgjegjësojë gjithashtu të gjithë ndjekësit e saj. Era s’dha detaje të tjera lidhur me vaksinën që kreu.
Ndërkohë sot ajo ka zbuluar se çfarë vaksine ka marrë dhe nëse ka pasur ndonjë simptomë. Era ka publikuar në Instagram një foto të saj me bikini dhe ka treguar se deri më tani ndihet mirë.
“Ndihem normale pas vaksinës së covid. Për ata që pyesin, ishte Pfizer. Ju uroj të gjithëve shëndet”, ka shkruar era përkrah fotos së saj.
Era Istrefi është bërë shumë hermetike kohët e fundit dhe përveç faktit se nuk është aktive në muzikë, poston shumë rrallë edhe në rrjetet sociale. Megjithatë, Era na i ka treguar disa të reja të fundit nga jeta e saj dhe njëra prej tyre është ndryshimi i look-ut. Këngëtarja s’i ka rezistuar më gjatë tundimit për të prerë baluke dhe i ka realizuar ato! Madje, në videon e fundit në InstaStory ajo na tregon pamjen e re dhe duket super yll!
Këngëtarja i ka prerë flokët deri tek supet dhe duket se po e dashuron pamjen e saj të re dhe seksi. Së fundmi, dikush i ka kërkuar këngëtares të zbulojë një foto të listës së demove që ka gati dhe Era s’ka vonuar ta publikojë.
Siç mund ta shohim nga fotot, këngëtarja ka një listë të gjatë me surpriza për vitin 2021, të cilat mezi po i presim!
