28-vjeçari me inicialet P.K është pacienti i parë në Shqipëri i infektuar nga koronavirusi.
Ai ka ardhur nga Firenze për në Shqipëri më 26 shkurt, pa e ditur se ishte infektuar nga virusi që ka pushtuar botën.
Tashmë ai qëndron i izoluar në Spitalin e Infektivit dhe “Dosja.al” ka zbardhur detaje nga veprimtaritë që ka kryer 28-vjeçari në vendin tonë.
Sipas tyre, i riu i infektuar ka marrë pjesë në një ceremoni mortore, përpara se të bënte analizat e koronavirusit.
Sipas zakonit shqiptar, ai i ka takuar të gjithë të pranishmit në formë ngushëllimi.
Deri më tani nuk dihet se çfarë ka ndodhur me personat që ai ka takuar dhe nëse ka pasur kontakt të afërt, rrjedhimisht ai do i ketë infektuar.
Ashtu siç e kemi thënë edhe më herët, ceremonitë mortore, dasmat dhe çdo vend ku të pranishëm janë shumë njerëz, janë vende me rrezikshmëri të lartë.
Probabiliteti për t’u infektuar është më i lartë, por me sa duket nga autoritetet kjo nuk është marrë shumë seriozisht, pasi kryetari i Bashkisë së Tiranës ditën e sotme tha që ceremonitë mortore të vazhdojnë të mbahen.
Sipas tij, njerëzit duhet vetëm të shmangin takimet me duar.
I riu, që konsiderohet pacienti zero për përhapjen e koronavirusit në vendin tonë, infektoi edhe të atin e tij 54-vjeçar dhe të dy janë izoluar.
