Tayna u pa që kur doli në fillim si një kontrapedal për reperen e “On Records” Rina, e cila u prezantua në treg vetëm pak muaj para se të dilte “Marijuana”. Kështu, pas suksesit të këngës së Tayna-s me Don Phenom-in dhe shpërthimit të saj në tregun e muzikës, u vulos se mes saj dhe Rinës, ekzistonte një rivalitet.
Jo se vajzat nuk na kanë dhënë shkak ta besojmë. E ftuar tek “Shiko kush luan”, e pyetur se cila mendon se është reperja më fake (false), Rina i qëlloi fotos së Tayna-s.
Megjithatë këto kohë janë dhënë shenja të paqes. E ftuar tek “Rudina” javën e kaluar, Rina u shpreh se gjithë ky rivalitet është i pompuar nga mediat, pasi mes vajzave nuk ekziston në të vërtetë diçka e tillë.
Sot, Fero ka ditëlindjen. Koleg dhe mik i Rinës, reperi u zgjua me qejf për të kërcyer në makinën e tij me këngë të repereve shqiptare dhe videot i postoi në Instastory. Ai kërceu me Melindën dhe më pas me këngën e re të Tayna-s!
Kështu, reperja nuk ia la me kaq por, si shenjë mirënjohjeje për gjestin e Feros, publikoi në Instagram-in e saj videon ku Fero kërcen dhe këndon këngën “Kce” duke i shkruajtur: “Happy Birthday” me emojin e vajzës me fustan të kuq që kërcen nga qejfi.
Nuk e dimë si mendoni ju për këtë, por me siguri është një shenjë afrimi mes tyre.
