Këngëtarja e njohur Morena Taraku është nisur drejt Shqipërisë për t’i qëndruar sa më pranë e për t’i ndihmuar familjet e prekura nga tërmeti.
Ajo i është bashkuar reperit Stresi dhe së bashku po vizitojnë të gjithë personat që kanë nevojë për strehim, ushqime dhe rroba.
Në llogarinë e saj në Instagram, Morena ka ndarë momente nga takimet me të prekurit nga tërmetet dhe tregon vështirësinë me të cilën ata po përballen.
Gjatë kësaj kohe, këngëtarja u ka ardhur në ndihmë me çadra dhe ushqime por pasi ka njohur historinë e një familje ajo ka vendosur t’u kthejë buzëqeshjen duke ju ndërtuar shtëpinë.
“Isha tek familja e Elton Turja në Kameras. Vendosëm një çadër. Në shtëpinë e tyre kishin një baba, e du se të gjithë baballarët janë të mrekullueshëm, por ai kishte një fytyrë aq të butë sa brenda tij shihja në zemër të gërryer që i thoshte vetes: Përse familja ime fle jashtë, e nuk kam si ta ndihmoj? Ajo që më preku më shumë, ishte se ai vuante prej kohësh nga zemra, dhe unë e di se sa e vështirë është të kesh dikë që vuan nga kjo sëmundje. Unë mora përsipër të ndërtoj shtëpinë e tyre të re dhe t’u rikthej buzëqeshjen”, shkruan Morena ndër të tjera.
Në fund ajo shton se edhe i ati i saj vuan nga kjo sëmundje dhe ka kryer disa herë operacione.
