Aktorja Monika Lubonja, sot në “Big Brother VIP” ka folur për nënën e saj. Ajo është e moshuar dhe Monika tha se çdo ditë mendon sesi është ajo dhe për vështirësitë që mund të ketë.
Arbana Osmani kishte shkuar në datën 31 Dhjetor te nëna e saj për të kaluar disa momente me të, të cilat edhe Monika i pa.
Mamaja e saj i kishte dërguar Monikës një letër emocionuese:
“Zemra ime tejkalon çdo distancë. Moci ime, po të thërras si në vegjëli. Njësoj kujdesem që zëri im të përcillet. Monika, tashmë një zonjë, por gjithnjë fëmija im i dashur. Publiku që të ndjek është i barabartë si ndërgjegjja jote. Të spikasësh si karakter duhet të jetë vlerë e përbashkët, jo vetëm për ty dhe jo e pjesshme, por e plotë për këdo që të rrethon. Banorët e audienca jetojnë me ty. Çoje deri në fund…Dhuro pa llogaritur! Inteligjenca jote nuk duhet mbuluar nga emocionet. Duhet të ndodh hera herës t’i lësh mënjanë të gjitha e ti gjykosh me drejtësi. Monika, fëmija im i dashur atë bukuri dhe forcë që ka marrë nga prindërit ia ke përcjellë dhe vajzës tënde Teas…”,- kishte shkruar mamaja e saj.
Monika u përlot dhe u ndje më e qetë kur pa se mamaja e saj është mirë.
