Në muajin gusht të vitit që lamë pas, ish-ministrja Klajda Gjosha u bë nënë për herë të dytë.
Ajo solli në jetë një vogëlushe të cilën e pagëzoi me emrin Greis.
Lajmin e pritjes së ëmbël e bëri të ditur Monika Kryemadhi dhe tani është sërish ajo, e cila ka zbuluar për herë të parë portretin e vogëlushes.
Kryetarja e LSI-së ka nisur ditën me Greis dhe nënën e saj dhe nuk ka lënë pa postuar një foto në Instagram.
“Sot e nisa ditën me Klajdën dhe vajzën e saj Greis. Nuk ka asgjë më të shtrenjtë se fëmijët dhe asgjë më të bukur në botë se buzëqeshja e tyre. Janë motivi për të mos u ndalur! Zoti i bekoftë të gjithë fëmijët shqiptar. ❤️”, shkruan Kryemadhi.
Nga martesa disavjeçare, Klajda Gjosha ka edhe një djalë më të madh dhe të dy fëmijët ka zgjedhur të mos i shfaqë shpesh në publik.
