Deputetja e LSI-së, Monika Kryemadhi ka qenë sot e pranishme në koncertin që vajza e saj e vogël Era, ka marrë pjesë.
Por para se të publikonte disa momente të bukura nga koncerti që organizoi shkolla e saj, Monika ka ndarë me ndjekësit në Instagram një rrëfim të vogël për vajzën e saj Era.
“Nisa të bëja një foto me Erën, vajzën time të vogël, që sot do e shoqëroj në festën që organizon shkolla e saj. Për herë të parë ajo nuk donte të shfaqej me mua në Facebook, pa më dhënë shumë arsye. U desh një mëngjes i bukur si ky për të kuptuar që edhe më e vogla e familjes, e përkëdhelura e të gjithëve, tashmë është rritur dhe do të ketë privatësinë e saj. Kështu që bëra një foto me komshiun e ardhshëm”, ka shkruar ajo plot humor duke treguar se vajza e saj, “e përkëdhëlura” e të gjithëve tashmë është rritur.
