Monika Kryemadhi ka zbuluar një tjetër detaj nga jeta e saj private. E ftuar në emisionin Xing me Ermalin, ajo u shpreh se në shtëpinë e saj jeton prej vitesh, edhe mamaja e Monikës, zonja Fatime.
“Sikur mos të ishte mamaja, unë do isha e dashura e Ilir Metës, por pa fëmijët. Mamaja na ka ndihmuar shumë në rritjen e fëmijëve”, ka thënë ajo.
Në gjithë këto vite, Monika Kryemadhi ka qenë e angazhuar në jetën politike dhe sigurisht që mbështetjen e ka pasur të domosdoshm. Sigurisht nuk ka më mirë sesa mbështetja e mamasë!
“Respekti dhe mirënjohja për mamanë nuk shprehen dot me fjalë”, ka thënë nënkryetarja e LSI-së.
Monika ka edhe një vëlla, Drinin, siç e ka përmendur në një status, por mamaja e tyre ka vendosur të jetojë me Monikën, e cila, me ç’kuptohet ka pasur më shumë nevojë për të.
