MTV Europe Music Awards 2016, që u mbajt në Holandë, solli një aromë tjetër të muzikës pop. Kishte më shumë kërcim, më shumë rock, më pak hip-hop dhe shumë më shumë përqafues të rinj të pop-it, si Zara Larsson dhe Bebe Rexha.
Ja disa nga momentet më të mira dhe të këqija të eventit të ndarjes së çmimeve.
Momentet më të mira:
Shfaqja e 2016-s mund të mbahet mend për dy faktorë: çmimet dhe performimet live. The Weeknd i fitoi të dyja, mori çmimin e “Videos më të Mirë” për “Starboy” dhe vazhdoi që të impresiononte me performancën e tij për të njëjtën këngë.
Gjithashtu po në këtë departament ishte edhe “Green Day”. Ata promovuan albumin e ri “Revolution Radio” me këngën “Bang Bang” dhe përfunduan shfaqjen duke pranuar çmimin “Ikona Botërore” duke performuar hitin “American Idiot”, të 2014-s.
Është një muaj i rëndësishëm për Bruno Mars. Më 18 nëntor ylli i muzikës do të prezantojë albumin e ri, “24K Magic” dhe ata performuan këngën me të njëjtin emër para turmës.
Bebe Rexha moderoi shfaqjen dhe për artisten kjo vetë ishte një triumf. Të drejtosh një nga shfaqjet më të mëdha të muzikës pop është një detyrë e madhe dhe Rexha ia doli. Ndoshta nuk i keni numëruar, por ajo ndryshoi 15 kostume gjatë mbrëmjes, ndërsa performoi dy nga këngët e saj.
Momentet më të këqija:
Nëse keni parë videon e “Sesame Street” 30 vite më parë, mund të dalloni një ngjashmëri me performancën e Rexha-s. Është pikërisht “U”-ja.
Po mungesa e përgjithshme e hip-hopit! E kuptojmë që çmimet u jepen atyre që shfaqen, por pse kaq pak në 2016-n? Kishim parashikuar një vend për Ty Dolla $ign apo G-Eazy.
Në termat e bashkëkohores të muzikës pop, muzika “dance” mori më shumë vëmendje, por jo domosdoshmërish për mirë. Pse sollën skeçin e “kompeticionit të DJ-ve holandez”? Tentativa e EMA-s dukej si e dështuar, për më tepër në shtëpinë e Afrojack, Tiesto dhe Martin Garrix, që janë nga Holanda dhe shumë të njohur.
Burimi: Billboard
