Nëse do t’ju pyesnim se çfarë është torta ndoshta do të na thonit se është thjesht, një ëmbëlsirë! Atëherë nuk dini asgjë për të.
Mund ta quajmë pa asnjë hezistim, një nga deklaratat e dashurisë më të bukura të dekadës… për tortën. Gjatë eventit të 10-vjetorit të “Ora News” logoja e re e televizionit u lançua përmes tortës, të cilën e provoi fillimisht presidenti i televizionit, Ylli Ndroqi.
Ky i fundit ia ofroi me një thikë, ta provonte edhe bashkëshortes së tij, Mimozës. Një nga xhestet më të pahijshme të provimit të tortës ose çdo ushqimit tjetër është kur ia ofroni atë personit tjetër ose e konsumoni vetë me anë të thikës.
Gjithsesi pjesa më e veçantë vijon me deklaratën më të fuqishme, që i është bërë ndonjëherë tortës në historinë tonë.
Gjatë kohës që ajo u provua nga Ndroqi, për t’iu shërbyer më pas të ftuarve, Klodi, ideatori dhe kuratori i festës, mori përsipër komentin. Disa nga fjalët e tij ishin:
“Torta është pjesë e shpirti të televizionit, çdo molekulë e tortës është njerëzore, është e gazetarëve, kameramanëve. Torta i përket punës, që kurorëzon djersën e njerëzve, që prej vitesh marrin pjesë në një realitet, që quhet informacion, që quhet hiç, plot, bosh. Gjithçka është mes molekulave, brenda tortës. Është torta e tortës, është brenda e brendës, është “oh”.
Burimi: Iconstyle.al
