David Cameron pothuajse shpërtheu në lot dhe bashkëshortja e tij Samantha u përlot, pas humbjes shkatërruese nga referendumi.
Kryeministri dukej i lodhur dhe i trishtuar, ndërsa ecte në orën 08.23 (me orën lokale), pasi u bë e qartë se dalja nga Bashkimi Europian ishte i pashmangshëm.
Rreziku i tij i madh për një referendum nuk u pagua dhe pranoi se “lidershipi i ri” ishte i nevojshëm. Në krah të bashkëshortes së tij, zëri mbytej nga emocionet, ndërsa deklaroi vendimin e tij për t’u tërhequr nga qeverisja.
Më pas ai mori dorën e Samantha-s dhe refuzoi të qëndronte për pyetje, ndërsa u kthye pas në derën e famshme të zezë.
Britania e Madhe votoi për t’u shkëputur nga Bashkimi Europian, në referendumin historik që u mbajt të enjten. 52 për qind e zgjedhësve kërkuan largimin nga unioni, të cilit ju bashkuan 43 vite më parë, ndërsa 48 për qind ishin pro qëndrimit.
“Votimi i popullit britanik do të respektohet. Nuk mund të jem unë ai që do të udhëheqë vendin drejt këtij angazhimi të ri. Duhet një lider i ri, që do të zgjidhet brenda muajit tetor e që do të drejtojë negociatat me BE”, u shpreh Cameron.
Britania e Madhe do të jetë vendi i parë që do të shkëputet nga unioni që prej krijimit të tij, por votimi pro largimit nuk nënkupton një shkëputje të menjëhershme të Britanisë nga blloku i 28-tëve.
Procesi do të kërkojë minimalisht 2 vjet, me aktivistët pro largimit që sugjeruan gjatë fushatës se ai nuk duhet të përfundojë deri në 2020-n, kur pritet të mbahen zgjedhjet e ardhshme të përgjithshme.
Burimi: Daily Mail
