Mbrëmjen e kaluar, moderatorja Jonida Vokshi dhe partneri i saj, Besnik Krapi, kurorëzuan me martesë dashurinë në një ceremoni buzë detit.
Në dasmën e tyre ishin të ftuar personazhe të njohur VIP, të cilët festuan me çiftin deri në orët e para të mëngjesit dhe ndanë në rrjete sociale foto e video të shumta gjatë dasmës.
Gszetarja Elona Duro ka publikuar momentin kur Besnik Krapi ka djegur shaminë e beqarisë.
Jonida ka kërcyer me shami në duar rreth e rrotull Besnikut, i cili ishte ulur në karrige.
Më pas, të njëjtën shami ky i fundit e ka djegur, duke treguar sipas traditës se i ka dhënë fund beqarisë.
Të ftuarit kanë duartrokitur e brohoritur çiftin gjatë momentit më kulminant të dasmës.
Festa buzë detit ka vazhduar deri në orët e para të mëngjesit, ndërsa të ftuarit janë argëtuar edhe nga lojrat e ndryshme të çiftit me të ftuarit, të cilat i dhanë alegri atmosferës.
