I gjithë vendi është përfshirë nga një gjendje gripale dhe me sa duket më të prekurit në këtë rast janë fëmijët. Ambientet e Pediatrisë janë të tej mbushura.
Prindërit me fëmijët e sëmurë në krahë janë të detyruar të presin me orë të tëra në këmbë në kushte jo të përshtatshme.
Pritja dhe acarimi nga koha e gjatë e pritjes kanë shkaktuar sot një sherr mes dy prindërve në Pediatrinë e kryeqytetit.
“Balkanweb” shkruan se gjendja është acaruar deri në një pikë sa njëri prej prindërve të përfshirë, që ishte polic, ka nxjerrë armën për të kërcënuar tjetrin.
Në ato momente u shkaktua një gjendje paniku dhe frike mes të pranishme, sidomos mes fëmijëve prezentë në ngjarje.
Të dy baballarët janë shoqëruar në rajonin e afër të policisë.
