Jennifer Lopez po kritikohet kudo në rrjet për shkak të sjelljes së saj shpërfillëse ndaj një gazetareje në Met Gala të së hënës, ku ajo shërbeu si një nga bashkëkryesueset e eventit vjetor të modës. Të mërkurën, redaktorja e lartë e lajmeve të “USA Today”, Anika Reed shpërndau një video në TikTok të 54-vjeçares duke i dhënë asaj një përgjigje shumë të prerë ndaj pyetjes së saj “Çfarë ke duke veshur sonte?”
Përdoruesit e rrjeteve sociale kritikuan krijuesen e hitit “Let’s Get Loud” pasi në video u duk qartë se foli me gazetaren sikur të ishte ‘fshatare’.
![](https://telegrafi.com/wp-content/uploads/2024/05/jen45.png)
“Kjo është Jenny jonë e përulur nga Blloku”, tha një tjetër, duke u tallur me këngën hit të vitit 2002, në të cilën ajo këndon se si nuk do t’i harrojë kurrë rrënjët e saj, pavarësisht famës dhe pasurisë së saj.