Momente ankthi u zhvilluan në Shën Petersburg të Rusisë, ndërsa një foshnjë 18-muajshe ra 33 metra në boshllëk dhe dy infermiere e shpëtuan duke mbajtur një pallto si rrjetë sigurie. Ne pamjet e shperndara, foshnja duket se ka hapur dritaren dhe është pothuajse në boshllëk.
Sekonda më vonë, foshnja ra me një zhurmë që kapi momentin e uljes së saj mbi pallton që dy infermieret kishin shtruar. Sipas mediave lokale, fëmija u dërgua në spital ku u përcaktua se nuk kishte pësuar lëndime serioze pavarësisht lartësisë së madhe të rënies së tij.
“Ne vepruam instiktivisht. Nuk dinim si të silleshim në një situatë të tillë”, tha infermierja Anna Kamasova. “Ai po qëndronte aty, duke hapur e mbyllur dritaren vazhdimisht. Unë po qëndroja pikërisht poshtë dritares. Një grua tjetër erdhi tek unë dhe tha: ‘A ta kapim?’ Unë u përgjigja: ‘Le ta bëjmë.’ E pamë djalin e vogël të fillonte të ngjitej në prag të dritares sikur të ishte duke zbritur nga një divan, me njërën këmbë, pastaj me tjetrën dhe e kuptuam se kjo do të ndodhte. Pastaj dikush bërtiti ‘ai po bie, ai po bie’ dhe ai ishte tashmë në duart tona.”
Dëshmitarët raportuan se fëmija i vogël ishte përpjekur të hapte dritaren e katit të sipërm për 20 minuta, pa mbikëqyrjen e ndonjë të rrituri. Raportet tregojnë se prindërit e tij po vizitonin fqinjët në kohën e incidentit, ndërsa vëllai i tij 18-vjeçar ishte në shtëpi duke luajtur një lojë video në një dhomë tjetër.
Zyra e prokurorit vendor ka nisur një hetim për rënien dhe do të shqyrtojë mbikëqyrjen e fëmijës nga prindërit.
