Moderatorja Aulona Musta foli sot mbi abuzimet seksuale ndaj të miturve në Shqipëri, duke prekur zakonet e traditat e shqiptarëve.
E ftuar në studion e emisionit “Shqipëria Live”, Musta komentoi ngjarjet e fundit që kanë tronditur opinionin publik, ku një 15-vjeçare në periferi të kryeqytetit është abuzuar seksualisht nga roja i shkollës në Babrru.
Gjatë fjalës së saj Aulona tha se për të pedofili është dhe kur puth fëmijën tënd në organet gjenitale.
Ajo tha se në Shqipëri është normale të bësh një gjë të tillë veçanërisht nga prindërit ose gjyshërit e fëmijës, por është një gjë shumë e shëmtuar!
“Kjo mënyra e shëmtuar që ne kemi, që realisht për mua është pedofili ajo që bëjnë edhe prindërit vetë, por edhe gjyshet edhe gjyshërit që marrin fëmijët dhe i puthin në organet gjenitale. Mos ta harrojmë këtë detaj. Në Shqipëri është normale që vajzën dhe djalin një muajsh, dy muajsh foshnjën ti ta marrësh dhe me përkëdheli të thuash, të keqen mami, të keqen babi dhe ta puthësh në organet gjenitale, është pedofili”, u shpreh Aulona.
