Nga moderatore në aktore!
Fati i ka buzëqeshur moderatores shqiptare Arbnora Ademaj e cila ka marrë një propozim për t’u bërë pjesë e kinematografisë turke.
E ftuar sot në studion e “Ftesë në Pesë” me Bieta Sulon, ajo tregoi se propozimi nga produksioni turk i erdhi në mënyrë fare të rastësishme pasi e pëlqyen pamjen e saj.
“Ka ndodhur një takim i rastësishëm, u kam pëlqyer si fytyrë, e kemi menduar të jemi pjesë e disa filmave, disa projekteve që ata kanë në realizim e sipër. Ata, sigurisht, e kanë kërkuar një femër, e cila ka ndikim në media dhe në rrjetet sociale, në pjesën e Ballkanit. Për mua ka qenë e pabesueshme, me thënë të drejtën, kam menduar që ndoshta s’ është e vërtetë. Nuk është se e kam pretenduar apo pritur”, tha Arbnora.
Ajo do të ketë një rol të vështirë pasi do të luajë një personazh që ka probleme me të folurin. Megjithatë dukë qenë se ka mangësi në gjuhën turke, kjo gjë shpreson ta ndihmojë.
Shumë shpejt, Arbnora do të transferohet në Stamboll, por kjo nuk do të thotë që programin e saj do ta braktisë.
