Moderatorja shqiptare Gerta Heta ka rrëfyer për herë të parë një nga eksperiencat e saj më të frikshme. Ajo ka pranuar për televizionin INtv se ka qenë ‘viktimë’ e përndjekjes nga një i panjohur.
“Shumë e frikshme ka qenë, deri në polici kam shkuar për të denoncuar një ‘stalker’ timin. U bë aq i bezdisshëm sa shkoi deri tek dera e prindërve të mi, numrat e telefonit i gjeti të gjithë, por gjeti dhe adresën e prindërve të mi. Unë nuk jetoja me prindërit atëherë dhe i tha: ‘Unë jam burri i ardhshëm i vajzës tuaj.’ Kishte shkuar me amareta”, tregon Gerta që në atë kohë ishte e lidhur me bashkëshortin aktual.
“Unë kisha marrëdhënien time me Matkon në atë kohë, isha me barrë dhe më priste poshtë tek puna. ‘Qyqa çuno po unë jam me barrë me dikë tjetër, çfarë burri i jetës time je ti.’ ‘Jo po ti e ke tollumbace atë’. Nuk e besonte që isha shtatzënë, ishte në botën e vet, derisa u tremba dhe shkova e denoncova në polici. Vazhdoi dhe një muaj me mesazhe ‘ti je krijesa më e bukur që ekziston’, dhe një ditë të bukur, kur unë isha bërë mami, u zhduk”, përfundoi Greta.
