Ngacmimet seksuale në ambjentet e punës janë një fenomen i përhapur në të gjithë botën. Pjesë e tyre ka qenë edhe moderatorja e njohur e emisionit “Why Not”, Roza Lati.
E ftuar në emisionin “Thumb” Roza ka rrrëfyer një histori personale se si është bërë pjesë e ngacmimeve seksuale nga drejtori i televizionit ku punonte kohë më parë.
E pyetur nga gazetaret e emisionit “Thumb”, se a ka ngacmime seksuale në showbiz-in shqiptar, përgjigjja e Rozës ishte pozitive.
“Po mi, ja po them një shembull meqë nuk jam më dhe meqë Agon Channel nuk ekziston më. Drejtori artistik që ishte në atë televizion ishte italian dhe kur më pa mua kur vajta për audicion, më pa që ja bëra kamerës ‘hajde këtu hajde’, e trajtova si qen dhe më tha mua: ‘Je bishë e Tv, të dua menjëherë këtu’.
Me kalimin e kohës filloi të më shikonte dhe më shkruan në Facebook një poezi në anglisht dhe unë i kthej përgjigje: Po bëj sikur nuk e kam lexuar.
Të nesërmen unë shkoj në punë, qetë, sikur s’kishte ndodhur asnjë gjë. Po nga ajo përgjigje ai më kthente mbrapsht çdo regjistrim, çdo xhirim dhe unë për t’i treguar atij se sa e aftë jam, ndonëse kisha rënë dakort për t’u paguar për një emision, unë mora përsipër edhe 3 të tjera, bëra 4 emisione që t’ia thyeja turinjtë atij që ja shikoje talentin tim”, rrëfeu Roza.
