Pavarësisht se është grimieri personal i Kim Kardashian, Kylie e Kendall Jenner, sërish shuma e paguar për të, na u duk të gjithëve shumë e shtrenjtë.
Grimieri Ariel erdhi në Tiranë me ndihmën e dy motrave, Agnesa dhe Anxhelina Hadërgjonaj dhe u mësoi të pasionuarve pas makijazhit në Shqipëri të gjitha sekretet që ai vetë përdor mbi motrat Kardashian-Jenner, në Teatrin Eksperimental, “Kujtim Spahivogli”.
Për të parë nga afërt truket e tij të bukurisë duhet të paguaje një çmim prej 400 euro, i cili për moderatoren shqiptare Eva Murati, si ndoshta për shumë prej jush është i papërballueshëm.
Në një postim në “Instagram”, Eva shkruan:
“400 euro që të mësoj make-up në 4 orë? Dreq jo! As në një univers paralel ku nuk ekzistojnë tutorials e Youtube!”.
“Iconstyle.al” mësoi përmes burimeve që duhet që të paguanit 400 euro për të marrë biletën e hyrjes, një pjesë të kthehej në vlerë produktesh, pasi kishte dy çanta me secilën produkt të markave të njohura si, “Huda Beauty”, “Kylie Cosmetics”, dhe të markave të tjera të bukurisë.
Burimi: Instagram
