Sara Kolami nuk do të jetë pjesë e “IN tv” këtë sezon.
Moderatorja simpatike ka konfirmuar largimin nga ky televizion, ku nisi karrierën si prezantuese.
Në një prononcim ekskluziv për revistën “Who”, ajo zbuloi se fjalët që po qarkullojnë janë të vërteta, ndërsa theksoi se ishte vetë ajo që kishte dhënë dorëheqjen.
“Po, kam dhënë dorëheqjen nga televizioni ‘IN’. Për momentin jam e angazhuar me disa projekte të cilat do zbulohen në ditët në vazhdim”, ka thënë Sara.
Nuk e dimë se çfarë planesh ka moderatorja, por është e sigurt që ajo do të kthehet shumë shpejt në ekran me një projekt interesant.
Sara njihet për stilin e saj të veçantë të të veshurit dhe së fundi në një publikim të moderatores Roza Lati, ajo shfaqet me një veshje që e ka stiluar vetë. Mos ndoshta do ta shohim stiliste në të ardhmen?
