Sezoni i ri televiziv që do të nisë në shtator pritet të shoqërohet me surpriza të shumta. Që tani kanë filluar lëvizjet dhe të shumtë janë ata gazetarë apo moderatorë, të cilët kanë kaluar nga një ekran në tjetrin.
Në përgjithësi është vënë re një trend në rritje i largimit të gazetarëve nga ekrani i “Top Channel”. Kështu së fundmi “Newsbomb.al” ka zbuluar se moderatorja e njohur e emisionit të pasdites në “Top Channel”, Juli Kristafi do të largohet nga ky ekran televiziv. Ajo ka punuar në “Top Channel” prej vitesh, fillimisht si spikere lajmesh dhe së fundmi si moderatore e emisionit të pasdites.
Sipas këtyre burimeve Juli do të largohet nga “Top Channel” për t’u zhvendosur në televizionin e ri “CNN”. Së bashku me Julin në këtë ekran televiziv do të shkojë edhe gazetari tjetër i njohur i “Top Medias”, Endri Xhafo.
