Moderatori Labinot Gashi, i cili është bërë i njohur për të gjithë me emisionin “Një kafe me Labin” së shpejti do të bëhet baba për herë të parë.
Lajmin e bukur se bashkëshortja e tij, Qëndresa Bajrami është shtatzënë, Labinoti e dha vetë ditën e Fiter Bajramit nëpërmjet një postimi në Instagram, ku shkruante: “Nga ne të tre urime Fiter Bajramin”.
Mirëpo ndërkohë që është duke shijuar disa ditë pushimesh në Ulqin së bashku me bashkëshorten e tij, Labi më në fund na ka zbuluar edhe gjininë e bebit. Ai ka postuar një foto në Instastory, nëpërmjet të cilës na ka lënë të kuptojmë se ata do të bëhen prindër të një vajze.
“Unë dhe këto dyjat”, shkruan Labi sipër fotos ku tashmë dallohet qartë edhe barku i rrumbullakosur i Qëndresës.
