E bardhë, e zezë apo me ngjyra, nuk ka rëndësi. Një xhaketë nuk duhet t’i mungojë gardërobës tuaj këtë sezon vjeshte. Pas ndryshimit të ngjyrës së flokëve, dhe kthimit në bionde platin, ishte Kim Kardashian ajo që u shfaq e veshur me një xhaketë të zezë pa recipeta.
E sigurisht që Kim mund ta bëjë, dhe s’mund të themi dot asgjë, edhe pse na pëlqen dhe nuk e bëjmë dot vetë një gjë të tillë. Megjithatë disa nga vajzat e reja të ekranit shqiptar, e kanë provuar dhe duken shumë seksi.
E para ishte Arilena që realizoi një fotosesion me një xhaketë të bardhë dhe pa reçipeta (të paktën ne kështu na u duk).
Më pas Kejsi Tola u shfaq gjithashtu me një xhaketë të bardhë, dhe pantallona të bardha që e tregonin mjaft elegante, ndryshe nga sa e kemi parë.
Sërish në këtë look, dallon detaji i reçipetave që mungojnë.
Të njëjtën gjë bëri edhe Anxhelina Hadërgjonaj, e cila jo më larg se një ditë më parë, publikoi një foto me një kostum të bardhë, xhaketë + pantallona të shkurtra. Me një krehje të Kaçi Lleshit dhe një makijazh të Ariel, Anxhelina kishte zgjedhur veshjen prefekte për të shëndrritur.
Megjithatë nuk është e thënë që mungesa e reçipetave ju bën kaq joshëse. Modelja Hailey Baldwin vërtetoi se një xhaketë e gjatë e mbyllur, mund t’ju bëjë të dukeni po kaq sharmante.
Edhe aktorja Zendaya, tregoi fuqinë që të jep një xhaketë, veçanërisht kur kombinohet me pantallona. Pas këtyre fotove, nuk ju mbetet gjë tjetër veçse ta provoni.
Burimi: Iconstyle.al
