Themeluesja e “Greis Models”, Greis Petroviç prezantoi për herë të parë vogëlushen e saj Emel në sytë e publikut shqiptar. Ajo ishte e ftuar ditën e sotme në emisionin “Rudina”, ku rrëfeu eksperiencën e mëmësisë. Emeli u soll si një zonjushë e vërtetë gjatë intervistës dhe dukej një ëngjëll e veshur me ngjyrat e flamurit shqiptar.
“Ndjesi shumë e bukur, profesioni më i bukur. Muajt më të bukur, është një lumturi e papërshkrueshme, nuk mund të them shumë të lodhshme, ose mbase ngaqë isha përgatitur shpirtërisht. Emri Emel ishte zgjedhje e zonjës Tefta dhe do të thotë dëshirë” – u shpreh Greis.
Por tani që ajo është rikthyer në punë, është zonja Tefta, vjehrra e saj e cila kujdeset për vogëlushen. Madje, zonja Tefta nuk përtonte ta dërgonte çdo ditë Emelin, tek puna e mamit, që Greis t’i jepte për të pirë.
