Një aksident i rëndë u shënua mëngjesin e sotëm në aksin Maliq-Korçë. Sipas njoftimit të policisë makina doli nga rruga dhe ra në lumë, ndërsa drejtuesi i mjetit nuk arriti të mbijetonte.
Polumbarët nxorën nga lumi trupin e pajetë të 24-vjeçarit Gjergji Elmazi, pak orë pas aksidentit që ndodhi rreth orës 03:45.
Për shkak të thellësisë së madhe të ujit makina me targa AA527Vk ishte zhytur tërësisht në ujë dhe 24-vjeçari qëndroi për disa orë i bllokuar.
Ndonëse në vendin e ngjarjes shkuan forca të Policisë dhe Zjarrfikësja, u desh ndërhyrja e polumbarëve që të bëhej e mundur nxjerrja e trupit të të riut.
Deri më tani nuk dihen rrethanat se si ka ndodhur aksidenti, ndërkohë policia po heton mbi zbardhjen e shkaqeve.
