Modelja e njohur Greiss Petroviç është bërë nënë për herë të parë e një vajze. Ajo ka lindur në datën 5 korrik, por Greiss ka vendosur ta ndajë me fansat e saj lajmin e ardhjes në jetë të vogëlushes mëngjesin e sotëm.
Modelja e njohur ka postuar në Instagram një foto të ëmbël, ku shfaqet dora e saj dhe e princeshës së saj të sapo ardhur në jetë.
“Faleminderit të gjithëve për urimet e përzemërta!
Emel Pajenga, princesha jonë, erdhi në jetë më 5 Korrik 2018!
Mirënjohje dhe falënderim nga zemra për shërbimin dhe përkujdesjen e treguar, stafit të mrekullueshëm të maternitetit “Mbretëresha Geraldinë”.
Faleminderit Zot që na bekove me një engjëll!”, shkruan Greiss krahas fotos ku shafqet dora e vogëlushes së saj.
