Vetëm pak muaj, pasi u shpreh për sekretin e një lidhje të gjatë dashurie, Arbër Çepani i dha fund asaj të tijës. Moderatori, i cili ka qenë fitues i “Big Brother 1”, i dha fund lidhjes disavjeçare me partneren.
Dhe duket se për këtë vendim nuk ka një arsye specifike:
“Çdo gjë ka ciklet e veta. Ishte një lidhje që mua më ka mbushur në shumë aspekte pozitive, por disa gjëra kur përfundojnë, përfundojnë”, tha Arbëri për emisionin “Thumb”.
Por ajo që tërhoqi vëmendjen pas lajmit të ndarjes, ishte një koment në foton e moderatorit i 20-vjeçares Kleoniki Delijorgji, e përzgjedhura e vitit 2012 si “Miss Shqipëria” dhe “Miss Globe”.
Poshtë fotos në fjalë të Arbërit, Niki bëri një koment. “Gjithmonë do të jem e çmendur për ty, shpirt!”, shkruan ajo.
Kjo ngjalli dyshimin se mes tyre mund të kishte një lidhje dashurie, i pyetur në emision nëse modelja ka qenë shkaktare e ndarjes, ai tha:
“Nuk ishte Niki shkaktare e ndarjes, ishte një zgjidhje dhe një vendim që morëm bashkërisht. Kështu që nuk kanë lidhje persona të tretë. Unë dhe Niki jemi miq shumë të mirë”.
Ndërsa komentin e justifikoi kështu:
“Ka disa korniza që nuk duhet t’i tejkalojmë. Kur dy persona janë më të çlirët, miqësia shprehet në doza më të mëdha dashurie”.
Iconstyle.al
