Modelja dhe aktorja e njohur vendosi që të martohej në fshehtësi në një vend të vogël në Korsikë, ku ajo kaloi fëmijërinë. Ajo është franceze, e njohur në Itali, ku ka qenë edhe një nga prezantueset e festivalit të Sanremo-s dhe më shumë prej marrëdhënies së gjatë me aktorin italian Stefano Accorsi.
Laetitia Casta, 39 vjeçe është nënë e tre fëmijëve, dy me aktorin italian dhe një me partnerin e saj të mëparshëm, fotografin francez Stephane Sednaoui. Këtë herë është dashuruar sërish me një francez, sërish me një artist si ishin dy të tjerët, por 5 vjet më të ri. Ai është gjithashtu një emër dhe fytyrë e njohur.
Le nozze segrete di #LaetitiaCasta e #LouisGarrel; il nuovo amore di @FinallyMario; le confessioni di @_AnnaTatangelo_ … #SolosuChi pic.twitter.com/VcI5g7hrKZ
— Chi Magazine (@chimagazine) June 14, 2017
Quhet Louis Garrel dhe është një nga aktorët dhe regjisorët më të vlerësuar të brezit të ri në Francën intelektuale.
Louis dhe Laetitia u martuan në një fshehtësi të plotë në plazhin e Lumio-s, një vend i vogël në Korsikë ku aktorja ka kaluar fëmijërinë, në praninë e rreth 40 të ftuarve. Për të dy, pavarësisht historive, kjo është martesa e parë!
Me sa duket Louis i ka rrëmbyer zemrën modeles dhe aktores aq sa të martohej me të, pas një historie 10-vjeçare me italianin, e cila kishte mbaruar që më parë dhe me të cilin Laetitia Casta ka dy fëmijë Orlando-n dhe Athena-n.
Ndërkaq ai është ish-i historik i Valeria Bruni Tedeschi-t, aktores italiane 52 vjeçe, shumë e pranishme në Francë dhe motra e Carla Brunit, me të cilën në 2008-n Garrel ka adoptuar një vajzë senegaleze.
