Tyra Bank ka sfiluar në nëntë shfaqje të Victoria’s Secret dhe ishte gruaja e parë afrikano-amerikane që nënshkroi një kontratë për VS.
Supermodelja u zgjodh gjithashtu për të reklamuar reçipetat e famshme “Fantasy Bra”, jo një herë, por dy herë, në vitin 1997 dhe 2004.
Sidoqoftë, pavarësisht nga suksesi në VS, modelja ka zbuluar në një intervistë të kohëve të fundit, se për pak ajo rrezikoi të humbiste karrierën si modele e Victoria’s Secret.
“Pothuajse e humba mundësinë time me Victoria’s Secret”, tha Bank për W Magazine. “Më dërguan në shtëpi që ditën e parë sepse parukierja nuk dinte se çfarë të bënte me flokët e mi afrikano-amerikanë”.
Tyra shpjegoi se më vonë ajo e mori vetë situatën nën kontroll, duke i angazhuar parukieret e veta për të stiluar siç duhet flokët e saj. Më pas Tyra i kërkoi agjentit të saj të kërkonte një tjetër provë te VS.
“Një vit më vonë, më në fund i kërkova agjentit tim që t’i merrte ato për të më dhënë një shans tjetër, dhe i thashë parukieres të vinte në apartamentin tim për të më larë dhe drejtuar flokët”, shpjegoi Tyra.
“Unë isha rrugës për te Victoria’s Secret dhe nuk i lejoja që njerëzit të preknin flokët, shkova në banjë, vendosa më shumë shkëlqim në buzë dhe sfilova. Firmosa një kontratë 10-vjeçare”.
Bank më pas e falënderoi VS që i plotësoi nevojat pasi agjensia punësoi një stilist që e kuptoi sesi të punonte me flokët e saj. Për 10 vjet me radhë, Tyra kishte stilistin e saj personal në Victoria’s Secret.
Burimi: Harper’s Bazaar
