Ashley Graham ka mirëpritur fëmijën e saj të parë me bashkëshortin 31-vjeçar, Justin Ervin.
Modelja 32-vjeçare e Sports Illustrated u bë nënë e një djali të Shtunën, dhe lajmin e bukur e dha të hënën në Instagram.
“Të shtunën në orën 6, jetët tona ndryshuan përgjithmonë,” tha Ashley në Instagram. “Faleminderit të gjithëve për dashurinë dhe mbështetjen gjatë kësaj periudhe.”
Modelja njoftoi shtatzëninë më 14 gusht, data e përvjetorit të saj të nëntë të martesës me kineastin dhe regjisorin Justin Ervin.
“Nëntë vite më parë u martova me dashurinë e jetës sime. Ka qenë rrugëtimi më i jashtëzakonshëm me të preferuarin tim,” tha Ashley asokohe. “Sot ndihemi të bekuar, mirënjohës dhe të emocionuar për familjen tonë që po zgjerohet. Gëzuar përvjetorin Justin. Jetët tona do të përmirësohen edhe më”, shkruante ajo.
