Nëse kishte diçka për të cilën u përfol kënga më e fundit e Encës ishte videoklipi me skena provokuese dhe me zhveshje.
Këngëtarja vendosi që pjesë të klipit të saj të bëhej një model i huaj dhe për këtë zgjodhi italianin Pierluigi Fracassi.
E ftuar sot në emisionin “Rudina”, Enca foli për prapaskenat e klipit, por surpriza ishte një video-mesazh nga modeli italian Fracassi, i cili u shpreh shumë i entuziazmuar që ishte pjesë e këtij projekti.
“Por ka diçka që nuk e dini për klipin”, tha modeli italian.
“Unë po vija me avion, ishte ora 3:00 e mëngjesit, kur Enca më sjell një mesazh. Më shkruante se nuk ma kishte thënë, por në klip kishte dhe skena puthje. Në fakt gjatë realizimit kuptova që kishte më shumë se aq”, shprehet Pierluigi Fracassi.
Një nga fjalitë që tërhoqi vëmendjen gjatë deklaratës së tij ishte edhe mënyra sesi iu drejtua këngëtares shqiptare:
“Faleminderit mbretëreshës, që më dha këtë mundësi”.
Burimi: Iconstyle.al
