Të martën mbrëma, stilistja Clare Waight Keller solli një mënyrë moderne të përdorimit të fjongos në aksesorë.
Modelet e Givenchy sfiluan me disa çanta shpine të jashtëzakonshme që kishin një fjongo gjigante në pjesën e sipërme.
Kur i shihje nga para, modelet dukeshin sikur kishin veshur disa krahë gjigantë fluture, pjesë e fustanit ose e veshjes dhe vetëm nga pas arrije të dalloje se bëhej fjalë për disa çanta shpine.
Ato vinin në ngjyrë të zezë dhe të bardhë dhe e transformonin totalisht veshjen e modeleve.
Mund të themi se këto janë çantat e para të shpinës që i shkojnë një fustani të zi kaq klasik si ky i Givenchy dhe nuk ka dyshim që do të kthehen në aksesorin më të preferuar të 2019-s.
