Është një model flokësh pas të cilit janë “çmendur” të gjithë të famshmit e “Hollywood”-it dhe kanë mbushur të gjitha rrjetet sociale. Po flasim për gërshetin e quajtur francez (“gërsheti boxer”), të cilët po e ndjekin nga aktoret te këngëtaret.
Ky stil është i duhuri jo vetëm për flokë me yndyrë dhe kaçurrela të dendura, por edhe si një opsion ndërsa shkoni në palestër.
Këtë model e pamë kudo gjatë Javës së Modës në New York Vjeshtë/Dimër 2016/2017.
Diferenca mes gërshetit francez dhe atij normal është fakti, që ky gërshet nis që nga rrënjët e flokëve dhe vazhdojnë me formën e kokës sa më pranë që të mundet, duke kapur madje edhe ajo fijet e reja të flokëve.
Nëse doni t’i realizoni atëherë më parë shtrini flokët tuaj, pasi është më e lehtë. Më pas shtojini pak balsam shkëlqyes. Nëse doni të rritni gjatësinë, atëherë ju këshillojmë që t’i vendosni “extensions” në fillim.
Burimi: Look
