Reperi i njohur Mozzik është ndër artistët më të komentuar dhe për shumë kohë u bë kryefjala e mediave për shkak të skandalit të tij dhe Loredanës me çiftin zviceran.
Madje, disa javë më parë u përfol se ai ishte ndarë nga Loredana, pasi nuk ishin parë prej kohësh së bashku.
Mirëpo së fundmi, dyshja ka treguar se gjërat janë rregulluar dhe Mozzik ka dhënë lajmin e bukur për fansat e tij shqiptarë.
Pas dy vitesh mungesë, ai do të kthehet në Shqipëri për të performuar, duke lajmëruar në një postim në Instastory.
Reperi tregoi se do të performojë në njërin prej club-eve të Tiranës, ku do të çmallet me publikun që aq shumë i ka munguar.
“Gati dy vite koncerte në Shqipëri, pa shijuar atë energjinë e mrekullueshme tuajën!”- shkruan ndër të tjera Mozzik në postim.
Ende nuk dihet nëse reperi do të marrë me vete bashkëshorten e tij dhe nëse do të performojnë së bashku në skenë.
Loredana ende nuk ka bërë asnjë lajmërim në profilin e saj në Instagram.
