Mbrëmjen e sotme, mjeku shqiptar Albert Troci, i cili punon në një spital ku është vendosur karantina në Itali, ka dhënë një intervistë telefonike për “Opinion”.
Ai ka folur për situatën nga koronavirusi ehe thotë se ai ka qarkulluar edhe më përpara se të identifikohej pacienti i parë.
Troci shton se infektiviteti është shumë i lartë, pasi edhe personat që nuk shfaqin simptoma mund të infektojnë të tjerë.
“Spitali ka pësuar një transformim total, po përqëndrohet e gjitheë fuqia e spitalit te pacientët që kanë nevojë. Italia ishte e para që mori masa të rrepta, të cilat nuk u mbështetën. Ky është një virus ku 80% që nuk japin shenja infeksioni mund të infektojnë të tjerët. Numri i qelizave virale në pacientët e sëmurë është shumë i lartë.
Në Itali numri i të moshuarve është shumë i lartë. Virusi ka sjellje të cuditshme, ka qarkulluar më përpara se sa data e diagnostifikimit të parë. Ky virus ka dy lloje mënyre sjellje, në disa pacientë jep sindroma të rënda. Ajo që po mundohet që të bëjë politika me atë që i thotë komuniteti shkencor është të ulim numrin e infektimit, pasi 1 person infekton 1 deri në 2.5 persona, dhe mënyra për të ulur infektivitetin është të marrim masa shumë të forta. Në të gjithë Italinë ka 4000 shtretër për terapitë intensive. Mund të them në mënyrë informale që ka pasur shqiptarë që kanë patur simptoma të njëjta, por me sa di unë nuk ka raste të shqiptarëve të infektuar me koronavirus”, tha Troci ndër të tjera.
Situata në Itali lshtl vështirësuar dhe vetëm në 24 orët e fundit kanë ndërruar jetë 41 persona.
