Sa përqind e popullatës rrezikohet të ekspozohet ndaj koronavirusit në Shqipëri?
Kjo pyetje iu bë sot në mbrëmje mjekut Infeksionist Pëllumb Pipero në emisionin “Opinion”, ku u fol për pritshmëritë e epidemisë në vend!
Mjeku theksoi se nëse nuk zbatohen masat e vendosura nga qeveria, atëherë rrezikon të ekspozohet ndaj virusit, 60 për qind e popullsisë, në të kundërt, pra nëse respektohen, rrezikon vetëm 30-40 për qind e popullsisë.
“Ajo që mendoj unë se sa përqind e popullsisë do të jetë në kontakt me virusin, jo do të infektohen, varet shumë nga respektimi i masave të vendosura nga qeveria. Nëse këto masa do të respektoheshin mirë, atëherë unë do të thoja që në rastin më të keq do të kishim një ekspozim të 30-40% të popullsisë. Në rast se masat nuk do të zbatohen ekspozimi do të ishte mbi 60% e popullsisë. Në Kinë rastet e para u deklaruan në 21 shkurt dhe në datë 23 Wuhani u bllokua. Nga studimet e fundit tregohet se nëse Wuhani do ishte mbyllur një ditë më parë, do të ishin infektuar 40% e popullsisë më pak”, tha Pipero.
Mjeku theksoi se masat në vendin tonë janë marrë në kohën e duhur, ndaj nuk ka nevojë për panik, mjafton t’i respektojmë ato.
/Iconstyle.al
