Ndihmësmjekët që shoqëronin një grua që po vdiste në spital përmbushën dëshirën e saj të fundit, ndoqën një rrugë tjetër në mënyrë që ajo të vizitonte oqeanin për herë të fundit.
Shërbimi i Ambulancës Queensland publikoi një imazh të një gruaje të shtrir në një shtrat spitalor me pamje nga deti në Hervey Bay, në Australi.
Ata që realizuan foton u thanë gazetarëve se pacientja u shpreh që “ishte në paqe”, kur shikoi oqeanin.
Një prej ndihmësmjekëve tha se e kishte dërguar fillimisht gruan në oqean gjatë udhëtimit nga spitali për në shtëpi, për të kaluar ditët e fundit me bashkëshortin e saj.
Në “udhëtimin e fundit”, ata e dërguan gruan në të njëjtin vend.
“E ngritëm krevatin në mënyrë që të shikonte dhe ajo ishte kaq e emocionuar. Mendova që nëse nuk do të ishin shkëmbijt, do ta zbrisja atë në oqean. Gjithsesi ajo e shijoi ujin e kripur. Ishte një ndjesi e veçantë, që të kisha një marrëdhënie me dikë, udhëtimi i së cilës ishte drejt fundit”, tha ndihmësmjeku për “Daily Mail”.
Një tjetër burim tha se pacientja dëshironte vetëm të mund të ishte në plazh sërish.
Burimi: Independent
