Princi Harry mbërriti menjëherë në Skoci pasi gjyshja e tij, Mbretëresha Elizabeth II ndërroi jetë ditën e sotme.
Page Six shkruan se ai arriti së bashku me familjen e tij.
Harry, Mbreti Charles III, Camilla Parker Bowles dhe Princi William mbërritën që të gjithë në kështjellën Balmoral.
Më herët, një përfaqësues i familjes mbretërore bëri me dije se gjendja e Mbretëreshës ishte përkeqësuar dhe të gjithë u shqetësuan.
Më pas, lajmi për ndarjen nga jeta e Elizabeth II u shpërnda në llogarinë e familjes mbretërore në rrjete sociale.
Menjëherë pas vdekjes së Mbretëreshës, fronin e mori Charles. Tashmë ai është Mbret i Mbretërisë së Bashkuar.
Në një deklaratë zyrtare, ai theksoi se ndarja nga jeta e nënës së tij është një moment trishtimi për të dhe të gjithë anëtarët e famijes.
“Vdekja e nënës sime të dashur, Madhërisë së Saj Mbretëreshës, është një moment i trishtimit më të madh për mua dhe të gjithë anëtarët e familjes sime”, thuhet në deklaratën zyrtare në rrjetet sociale të familjes mbretërore.
Më tej, në deklaratë thuhet se ndarja nga jeta e Mbretëreshës do të ndihet thellësisht në të gjithë vendin.
“Ne vajtojmë thellësisht vdekjen e një Sovrani të dashur dhe të një Nëne shumë të dashur. Unë e di se humbja e saj do të ndihet thellësisht në të gjithë vendin, Mbretëritë dhe Commonëealth, dhe nga njerëz të panumërt në mbarë botën. Gjatë kësaj periudhe zie dhe ndryshimi, familja ime dhe unë do të ngushëllohemi dhe do të mbështetemi nga njohuritë tona për respektin dhe dashurinë e thellë në të cilën mbretëresha mbahej kaq gjerësisht.”
