Aktori i njohur Jamie Foxx është duke u përmirësuar, por arsyeja e shtrimit të tij në spital mbetet një mister, ende 50 ditë pasi vajza e tij publikoi se ai u përball me disa komplikime mjekësore.
Aktori i njohur kishte një problem shëndetësor shumë të rëndë, të një natyre të panjohur, që ndoshta kishte të bënte me një problem neurologjik, pasi klinika ku ai ishte shtruar ishte e specializuar për “shërimin nga një goditje në tru”.
Edhe pse detajet për gjendjen e vazhdueshme shëndetësore të aktorit mbeten të panjohura, i njëjti burim tha: “Familja e tij dëshironte që ai të kishte një shërim të qetë. Atij i duhej kohë për t’u shëruar dhe ata preferuan t’i mbanin gjërat private derisa të hiqej plotësisht rreziku për shëndetin e tij. Kjo është arsyeja pse kishte dhe ka ende një mbulesë misteri për atë që ndodhi saktësisht.”
Burimi tha gjithashtu: “Jamie po i befason të gjithë, përfshirë mjekët e tij, me përparimin e tij të jashtëzakonshëm”.
Vajza e madhe e aktorit Corinne Fox ka dhënë përditësime për aventurën e tij shëndetësore në Instagram.
Më 12 prill, vajza e tij iu drejtua fillimisht problemeve shëndetësore të babait të saj me një postim në rrjetet sociale: “ Duam të ndajmë se babai im ka përjetuar një komplikacion mjekësor. Për fat të mirë, falë veprimit të shpejtë dhe kujdesit të shkëlqyer, ai tashmë është në rrugën e rikuperimit”.
Tashmë mbetet të presim për ndonjë pamje të aktorit.
