Ajo është tashmë një “business woman”. Agnesa Vuthaj ka arritur ta kthejë emrin e saj në markën më të njohur të çantave dhe këpucëve, në trojet shqiptare dhe jo vetëm.
Ish-miss Shqipëria ka bërë prezantimin e parë të linjës së çantave, të dizenjuara vetë, në New York vitin që shkoi, ku ka marrë mbështetjen edhe të personaliteteve të njohura në fushën e modës dhe Hollivudit.
Por le të lëmë për një moment këtë imazh të një femre të suksesshme në të gjitha drejtimet, për të ditur pak sesi ka qenë Agnesa në fillimet e saj. Iconstyle.al ka siguruar disa foto të vjetra të ish-miss-it, për të parë sesi ka qenë në adoleshencë Agnesa, aty ku nisi rrugën drejt suksesit.
Bëhet fjalë për vitin 2004, kohë kur Agnesa sapo kishte vituar titullin e më të bukurës në Shqipëri. Duke pozuar për fotografin me kurorën në kokë dhe shiritin që lexon “Miss Albania”, Agnesa duket mjaft e ndrojtur. Ajo ka qenë vetëm 17 vjeçe dhe në fillesat e karrierës së saj si modele. Ish-miss-i duket një vajzë e brishtë dhe për më tepër e veshur shumë më thjeshtë nga sa e shohim sot.
Me një palë pantallona blu me vija dhe një xhaketë sportive ngjyrë bezhë, Agnesa ka pozuar në tarracën e një restoranti, e buzëqeshur.
Më pas ajo ka guxuar pak më shumë duke hequr xhaketën për të pozuar me një bluzë pambuku në ngjyrë rozë.
E qeshur në fytyrë me një makijazh të lehtë, ish-Miss Shqipëria na dhuron këto foto që nuk janë publikuar më parë dhe që tregojnë sesi ka evoluar bukuria e saj nga viti 2004 deri më sot në 2018-n. Për më tepër po ju lëmë të shijoni fotot e mëposhtme:
