Të gjithëve na kujtohet Niki Delijorgji, bukuroshja shqiptare fituese e “Miss Shqipëria 2012” dhe “Miss Globe”, i të njëjtit vit.
Pavarësisht se preferon të qëndrojë larg vëmendjes së mediave, duket se ka punuar gjatë gjithë kësaj kohe për të arritur në një stad ku të gjitha modelet ëndërrojnë: imazh i një firme ndërkombëtare.
Me një postim në “Instagram”, ajo ka dëshmuar se është tashmë “fytyra” e re e kompanisë “Primark” në internet, një firmë prestigjioze britanike, e cila është e njohur në mbarë botën. Kjo jo vetëm për produktet kozmetike, por edhe për veshjet të cilat mund të gjenden edhe online.
Mjafton të klikojmë në rubrikën më të re në site-In online të “Primark” dhe do të shohim mjaft produkte kozmetike, të cilat janë të reklamuara te fytyra e Nikit.
