Këngëtarja simpatike Miriam Cani ishte e ftuar dje në “Top Magazine” ku foli për jetën dhe karrierën e saj artistike. Miriami dhe Albani janë një ndër çiftet më të dashura dhe më të sheqerosura të showbizz-it shqiptar. Dedikimet që ata i bëjnë njëri-tjetrit vazhdimisht në rrjetet sociale janë aq romantike sa çdo vajzë apo djalë do të donte t’i dëgjonte nga partnerët e tyre.
Por a janë një çift super ideal dhe në jetën reale? Një çift ku zënkat mungojnë? Në sytë e të gjithëve janë simboli mirësisë dhe ëmbëlsisë, por si janë realisht?
“Joooo, nuk jemi kaq sheqer gjithmonë. Kuptohet, ne kemi mbi 10 vite që jemi lidhur dhe jemi mësuar tashmë me gjithçka të njëri-tjetrit, por sidomos tani që bëhesh prind, 90 për qind e zënkave janë për fëmijën. Kujdes se e vrave, pse e puth kaq fort, pse e rrotullon kaq shumë, pse e ushqen kështu…” – tregon Miriami me të qeshur duke lënë të kuptohet se, si të gjithë, edhe ata kanë zënkat e tyre.
Ardhja në jetë e Amelisë ka ndikuar në jetën e çiftit duke ia zbukuruar, por në të njëjtën kohë duke i shtuar edhe përgjegjësitë. Miriami në të vërtetë ngjan si një natyrë posesive dhe shumë protektive, por ajo nuk e pranon këtë gjë.
“Nuk është e vërtetë. Edhe Albani është shumë. Ashtu siç është në muzikë, është edhe në jetën private, shumë detajist.”: tregon Miriami.
Të kesh një burrë kaq detajit dhe të ëmbël si Albani, të cilën e dashurojnë pjesa më e madhe e vajzave, besojmë se do të jetë e vështirë për Miriamin. A është në të vërtetë xheloze ajo për Albanin? Këngëtarja e mohon duke treguar se ata kanë një lidhje të konsoliduar me themele të forta.
“Po ky është suksesi më i madh, për çfarë duhet të jem, nuk e kuptoj? Kjo është lumturia më e madhe, sepse unë e shikoj me sa pasion ai këndon dhe sa shumë kohë i kushton muzikës dhe në momentin që ka një ‘feedback’ të tillë, për mua është lumturia më e madhe.”: tha Miriami.
Nuk e kuptoi ngacmimin? “Po kur të provokojnë burrin?”: e pyeti troç Albana dhe Miriami ka një përgjigje të prerë: “Në fakt, nuk kemi nga këto rastet, nuk e di pse. Të paktën, në shumicën e rasteve kur ne jemi bashkë, nuk e di…”
