Miriam Cani dhe i vogli Duam kanë realizuar bashkë një video shumë të ëmbël, që do të mbetet si një nga kujtimet më të bukura të jetës për ta. Këngëtarja ka ndarë me ndjekësit imazhe të rralla përkrah të birit dhe si kurrë më parë shfaqet edhe portreti i të voglit.
Miriami e ka shoqëruar videon me një dedikim po aq emocionues sa videoja, duke treguar se ishte i vogli ai që e frymëzoi të krijonte diçka plot dashuri si kënga “Duam”.
“Duam, si e do natyra diellin. Duam, si e duan yjet qiellin. Ti më ke frymëzuar të krijoj diçka që është e mbushur plot dashuri e mirësi. E pastër si dashuria e nënës!”, ka shkruar Cani.
Vogëlushi erdhi në jetë në fillim të këtij viti dhe këngëtarja i është përkushtuar me kohë të plotë dy të fëmijëve të saj, Amelisë dhe Duamit. Ajo nuk është ndarë për asnjë moment prej tyre dhe madje për këtë arsye është shkëputur përkohësisht nga muzika.
